1
Ick kornelis oloff Zoon bekenne ende Doe openbaer voor alle mett desen mijnen open brieff Dat ick mitt mij eijghen frije Willen
2
hebbe vorloft ende gheleuertt ende nu mitt Desen mijn open brieff vorkope ick ende leuere van mijn ende mijn erffghenaemen
3
thoe røerick Jakop Zoon borgher hier binnen barghen ende sijn huijsfrouW thøen heijndricks Dochter ende beijder haerder
4
rechter erffghenaemen thoe eewijghen eijghedom mijn salijge moeder marrij kornelis Dochter mett alle Dat Daer
5
thoe behoortt nae uWttuijsinghe Die grondebreef Welke voorscreuen huijs staett tusschen Die saelighe Lochman
6
mass størson ende mijn huijs oock bekenne ick voor mij ende mijn erffghenaemen gheen eijghendom meer an Datt
7
vorscreuen huijss tho hebben nae Desen dach in gheen mannieren Des ghelijken bekenne ick betaelltt thoe wesen
8
Die minste penninck mett Den meesten van voorscreuen roerick iakop Zoon na mijn eijghen sin ende Willen
9
ghelijck onse koep gheWeest is also datt ick hem bedancke voor ghoede ende eerlijke betaelingh end oock
10
bekenne ick voor mij ende mijn eruen hem Daer voor in thoestaen voor alle scaeden ende opspreck Dat
11
op het voorcreuen huijss mochte geschieden so veer hij sijn grondelaghe gheeft sijn grondtt heer op Die rechte
12
tijtt uWttuijssinghe Der grontbreeff also Datt thoe ghenieten ende beholden voor een vrij eijghendom ende
13
vaste koop thoe eWijghen eijghendom ongheruckett van mijn ofte mijnett weghen also Datt itt onghebroken
14
holden sall alss voorscreuen staett so setten wij Drie broeders als kornelis oloff Zon ende Jakop oloff Zon ende
15
oloff oloff Zoon onse singhnett hier onder Datum berghen anno 1576 Den 23 febreuarius

16
▣ ▣